Plantun de Prouvènço

Pèr coumpara dos planto d'encò nostre

Camelina microcarpa & Clinopodium nepeta subsp. sylvaticum

fotò
fotò
Rabeto

Camelina microcarpa

Brassicaceae Cruciferae

Nom en français : Caméline à petits fruits.

Descripcioun :
La rabeto dóu gènre Camelina trachis dins li meissoun. Emé la criblo di gran e lis erbicide, es uno planto devengudo pulèu raro. Se recounèis subretout à si fru, de boudousqueto acabado en un bè qu'èi lou soubre de l'estile. Li petalo soun d'un jaune clar. Se destrìo dis àutri Camelina (que fasien parti i'a gaire de la memo espèci), qu'a dous meno de péu sus li fueio (ramifica e simple) e de boudousqueto pichoto (< 4,5 mm de larg). Coumpara emé la neslìo que ié sèmblo un pau e subretout vèn dins li mémi relarg.

Usanço :
Sa cousino, Camelina sativa, èi cultivado pèr si grano que dounon d'òli, riche en oumega-3 pèr l'alimentacioun, o pèr li bio-carburant.

Port : Erbo
Taio : 20 à 80(100) cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Camelina
Famiho : Brassicaceae
Famiho classico : Cruciferae


Coulour de la flour : Jauno
Petalo : 4
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco : Champ de cerealo

Liò : Meissoun - Champ - Ermas
Estànci : Mesoumediterran à Mountagnard
Couroulougi : Pancaro entresigna
Ref. sc. : Camelina microcarpa Andrz. ex DC., 1821 (= Camelina sativa subsp. microcarpa Em.Schmid, 1919 )

fotò
fotò
Menugueto

Clinopodium nepeta subsp. sylvaticum

Lamiaceae Labiaceae

Àutri noum : Menugueto(-de-bos), Manugueto, Calament, Erbo-fino, Mentastre.

Noms en français : Calament des bois, Calament à feuilles de menthe.

Descripcioun :
Aquelo planto sèmblo forço à la menugueto que couneissèn tóuti. Trachis dins li bos, souto li chaine-blanc o blacas. Ei bèn pu grosso dins tóuti si partido ; mai grando, a de gròssi fueio e peréu li flour. Li fueio frisado dounon uno bono óudour de citroun.

Usanço :
Se pòu n'en faire de tisano qu'èi bono pèr l'estouma e d'un biais generau pèr li proublèmo de digestioun.

Port : Erbo
Taio : Pancaro entresigna
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Clinopodium
Famiho : Lamiaceae
Famiho classico : Labiaceae


Coulour de la flour : Roso
Petalo : irreguliero
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Garrigo - Colo - Roucaio
Estànci : Subremediterran à Mountagnard
Couroulougi : Pancaro entresigna
Ref. sc. : Clinopodium nepeta subsp. sylvaticum (Bromf.) B.Bock, 2012 (= Clinopodium menthifolium (Host) Stace, 1989 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
RRR
RRR
R
R
R
C
RR
ges

Camelina microcarpa & Clinopodium nepeta subsp. sylvaticum

ges
ges
C
RR
ges
RR
ges
ges

Coumpara Rabeto emé uno autro planto

fotò

Coumpara Menugueto emé uno autro planto

fotò